Margir viðskiptavina Meitilsins spyrja um brauðstangir. Við erum búin að gera allskonar tilraunir með brauðstangir og allar tilraunirnar hafa mistekist nema ostafylltar brauðstangir. Við erum nokkuð ánægð með þær en höfum samt ekki þorað að auglýsa þær til sölu. Enn að hugsa og pæla. Erum samt alveg viss um að það sé ofninum að kenna að við ráðum ekki við venjulegar brauðstangir,                                                                                                                                                                                 Árinni kennir illur ræðari.                                                                                                                                                                 Það er alltaf jafn gaman þegar eggið kennir hænunni. Gamall nemandi við skólann spurði um brauðstangir í gær og vertinn sagðist ekki ráða við að gera þær. Gamli nemandinn mætti galvaskur í dag og kenndi gamla vertinum hvernig ætti að bera sig að við brauðstangagerð. Það er sem sagt ekkert athugavert við ofninn.  Hann ræður alveg við að baka brauðstangir.                                                                                                                                                         Nú hlakkar vertinn bara til að verða við óskum viðskiptavina sinna sem langar í brauðstangir og góða sósu með.